聽日就係中秋節，係一家人食飯團圓嘅日子，不過對年輕人嚟講，可能下個月個萬聖節都係重要節目，因為可以約埋一班朋友扮鬼扮馬開P。

好似香港「女飛魚」歐鎧淳咁，佢今日喺Instagram貼咗一大堆與男友胡子彤去主題樂園玩哈囉喂，其中有張佢哋同南瓜版Kitty公仔影嘅合照，歐鎧淳留言話：「呢堆相證明我就係一個冇廉恥排隊去同公仔影相嘅中女。不過暗黑版嘅吉蒂真係好正。」

另外，歐鎧淳仲同好多萬聖節裝扮嘅公仔影咗好多合照，亦有佢同胡子彤兩人戴住哈囉喂發光戒指嘅合照，好Sweet。

同時，歐鎧淳喺IG宣佈個人IG回歸，佢留言話：「呢幾年開始越寫越多唔屬於自己嘅說話。我管不了你，但你又管不了我開心。茅塞頓開全因為琴日嘅一個講座（感受太澎湃，罄竹難書！）post想post嘅，講想講嘅，caption打第一時間諗到嘅。」

精選娛聞，喺晒《娛果》
http://fb.com/appledailyent