當年今日
關於我們

王宗堯《王探黃》踩場《蘋果》 暴動案上庭前夕向家人表心迹:冇咁易屈服同放棄

蘋果日報 2020/12/18 00:18

王宗堯王探黃懲罰

王宗堯過去一直無私撐手足、撐黃店,所以他日前為應付龐大律師費公開呼籲願意接受「懲罰」,不少黃店一呼百應。你「懲罰」我,我「懲罰」你的同時,《蘋果》也「懲罰」王宗堯主持新節目《王探黃》,顧名思義,由他出動帶大家走勻全港黃店,介紹好玩、好吃、好買兼好打卡的黃店。《王探黃》將每於周四晚上10時半在果燃台和蘋果動新聞YouTube Channel播出。
今日首集,王宗堯入了將軍澳工業邨《蘋果日報》打卡,他甫進大堂見到聖誕樹,即擔心還柙中的黎智英:「就嚟聖誕,希望黎生安好。」王宗堯今日更穿上黎智英金句:「No fear, we have to fight on.」(無畏無懼,我們要繼續戰鬥。)的黑tee現身,他說:「多謝黎生,佢做所有嘢,佢嘅精神係陪住香港人。」王宗堯在主播汶汶陪伴下,洗樓式逐層探秘,他由大堂到一樓《9點半蘋果新聞報道》的直播室參觀,王宗堯從今年8月時200警入《蘋果》調查時逼爆的樓梯拾級而上,他對那幕記憶猶新,邊行邊說:「嗰日佢哋列隊入嚟,唔知做乜,佢哋嗰日嘅制服好整齊,張牙舞爪晒冷吹雞。」
empty
王宗堯進入大堂即探熱和搓手,由主播汶汶做導遊。
empty
王宗堯換上「No fear, we have to fight on」黑tee,有回家的感覺。
empty
王宗堯再行上200警今年8月踩入《蘋果》的樓梯,他表示當日直播一幕記憶猶新。
王宗堯到直播室,坐上主播位嘗試報道新聞,依稿讀出死忠藍絲、正義聯盟創辦人李偲嫣的死訊。王宗堯嘗試做完主播,轉往採訪部探記者朋友。王宗堯明日要出庭應訊,他此刻的心情仍然平靜:「暫時好多嘢都係自己控制範圍,可以處理到,我都同代表律師溝通到,多謝大家大力『懲罰』我。我一有事,大家跳出嚟幫忙。」王宗堯表示下周冬至,他安排了周日跟家人過節吃飯。
《王探黃》首站到《蘋果》踩場,王宗堯順道拿取訂購的另一件寫有「Uncovering The Truth Confronting Injustice」(用真相對抗不義)的白色tee,他笑言一串長長英文字會「嚇窒」某些人:「當有咁多英文字,又唔係黑色,有啲人唔識咁多英文字就唔會搞你,啲英文字越長越好。」王宗堯取了新tee就想去5樓canteen休息,沿途有《蘋果》同事上前為明天出庭的王宗堯打氣,還請他吃糯米糍和要求集郵,王宗堯都有求必應。
empty
王宗堯坐上主播位嘗試報道新聞。
empty
王宗堯到編採部探記者友人,互相擁抱打氣。
empty
王宗堯笑言一串長長英文字會「嚇窒」某些人。
empty
《蘋果》同事在5樓遇上王宗堯,上前集郵。

王宗堯警覺清晨門鈴聲

王宗堯完成《王探黃》節目任務後接受訪問,講到明天再踏入法院,近日連番出現法官不允被告保釋,他可有作出最壞打算?他說:「有嘅,我之前去上阿澤(杜汶澤)同秋生嘅course,阿田(田蕊妮)做助教,佢提點咗我好多嘢,佢知我而家情況,佢話大家都要面呢個困難,但唔好俾困難困死,點都要生活落去,行落去,可以積極地去做自己想做嘅嘢,豐富自己去幫助身邊嘅人,唔好俾佢打擊到,一旦畀佢擊倒就會冇力,越跌越深。」所以,王宗堯學會坦然面對一切:「聽日我係平常心嘅,聽日過堂,可能安排之後大狀程序,同夾埋之後其他被告。」
不過,王宗堯看到近月多位同路人被警方在清晨突擊性大搜捕,他已經提高警覺:「而家朝早或未瞓時間,睇住個鐘都會有一絲擔心,有過一次經驗(指去年被捕),睇住新聞多少都有啲同感。」即使前面還有重重難關,王宗堯堅持無畏無懼:「我而家就算面對好困難嘅難題,自己都要諗辦法解決,仲要keep到正面諗法去堅持,知道身邊有好多好好朋友幫手,我哋有困難時間,香港人係熱心嘅,所以我都要做佢哋一分子,要將微小嘅力量集合埋一齊。」上庭前夕有甚麼心底話想向家人講出來?王宗堯想了一下說:「唔會特登要講啲乜嘢,屋企人之間,佢哋會擔心喇,佢哋都明白我硬頸,知道我個人冇咁易屈服同放棄。」是否王家飯枱都不談政治?王宗堯續說:「飯枱少提,但需要時都會傾吓,屋企始終係自己最強後盾,你會喺嗰度攞到好多關心,你會知道有咩事時,屋企人一定幫手。自己去到呢個年紀,屋企人開始老,希望佢哋除咗唔好咁擔心,仲要健康生活無憂,我要做好自己,唔好令佢哋擔心,要令屋企人安心。」
再踏入《蘋果》大樓,王宗堯直言有回家的感覺:「同事氣氛好好,我每次入嚟都好開心。細個未入娛圈,對媒體呢行有幻想、有憧憬,好想有機會入去睇吓!」王宗堯及至入行後,跟《蘋果》結下不解之緣:「我好多謝《蘋果》一路好照顧我,大家有唔同合作,我每次返嚟都有屋企嘅感覺,又珍惜見到大家都仲喺度,經歷過去年(反送中運動)同今年8月事件(200警搜《蘋果》),好開心你哋未放棄。」
empty
王宗堯對明天上庭表示平常心。
empty
疫下球場要封閉,球迷王宗堯見到足球機遊戲即上前大玩解癮。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁