陳豪同李佳芯(Ali)噚晚以銀幕情侶檔嘅身份，現身九龍塘出席首飾活動，講到陳豪大仔陳梓燁（Aiden）日前四歲生日，太太陳茵媺同佢化身成超人替囝囝慶祝(新聞連結： http://bit.ly/2ByNEGh )，陳豪話：「全部都係太太搞，我淨係幫吓手。佢搞Party好叻，自從有咗小朋友之後我哋間中會搞呢類型嘅 Party，仲曾經搵個小丑魔術師嚟搞下氣氛。」

之不過講到自己生日，陳豪就話唔會搞Party啦：「小朋友為主，不過我哋承諾每年都會去一次旅遊，其實我生日唔重要，太太生日重要啲。」

嚟緊聖誕陳豪話會喺香港過，問到揀咗禮物畀小朋友未？佢話：「未買，我哋唔想小朋友收太多禮物，所以每年都會捐好多出去，我哋希望教育小朋友唔好浪費，唔好太物質化。」Ali就話今年聖誕要喺拍劇中渡過：「自己屋企係大家庭，有好多小朋友，仍然未有時間一一為佢哋準備好禮物。」

更多娛聞，喺晒《娛果》
http://fb.com/appledailyent