當年今日
關於我們

民建聯轉軚 承認國籍是問題

蘋果日報 2008/05/28 00:00


【本報訊】一度死撐候任商務及經濟發展局副局長、民建聯原副主席蘇錦樑持有加拿大護照無問題的民建聯,昨日突然轉軚,該黨主席譚耀宗首次承認,雖然蘇錦樑擁有雙重國籍無違反《基本法》,但是否應該將國籍「上升」為效忠一個國家的標準,「係有需要思考」。他說:「我知道喺社會上,甚至民建聯內部,都有唔同睇法,有人覺得擁有外國國籍係唔應該,會喺承擔方面出現疑問,效忠上亦有問題。」
曾被揭申請移民加拿大的民建聯創黨主席曾鈺成,早前力斥質疑蘇錦樑持有加籍有問題的聲音是「無聊人說三道四」,但譚耀宗昨日出席該黨一個活動後即指,副局長能否擁有雙重國籍,對該黨來說是「新問題」,「希望市民俾啲時間民建聯諗吓先」,又將蘇錦樑是否放棄加籍說成是其個人決定,「放唔放棄(加籍),要佢自己決定,因為佢𠵱家已經入咗政府,呢個已經唔係黨對佢嘅要求。」

檢討黨高層國籍規限

對於黨副主席劉江華早前表示,一直不知蘇錦樑持有加籍,譚耀宗承認,該黨入會表格雖有國籍一欄,「但我哋大家都唔會睇,因為一日到黑咁多人入黨,你點會睇吓佢屬於乜嘢國籍。」他表示,該黨有需要重新思考,黨副主席和主席一職是否可以擁有雙重國籍,「我哋係咪想將呢樣嘢(規限國籍的原則)擴大,我覺得係值得思考嘅。」