這次（27日）快活谷夜馬，編跑八場，採用C欄C加3彎跑道舉行。踏入倒數階段，尚餘六次賽事，三夜三日，擅谷戰馬匹，必須把握上陣機會。

今季蔡約翰及沈集成在谷戰都取得好成績，今次擺下強陣，可優先留意。告東尼在練馬師榜已追上第四位，今季更成為捧盃王。

第七場三班1200米：「旺舖大師」外地跑四仗，兩W兩第四，來港後適應唔錯，初出1200米有點追勢，接住兩仗有試前試後味道。復課加強拍跳打磨，埋門加眼罩試閘，好有刺激一放到底，成熟狀態均大有進展。

今次轉場地兼加眼罩，當然要考驗，然馬房近期加眼罩馬，有截然不同表現，「好好彩彩」、「魅影揚飛」分別出擊得手，「旺舖」系馬恨贏已久，戰意毋庸置疑。

「友情人」是未閹雄馬，難免有點脾氣，其實近仗演出已趨穩定，剛戰跑最短途，起步慢閘已失先機，但末段仍追得勁。

復課如常備戰，禮拜日（24日）跟「多項領先」拍跳，據欄領放貫注到底，今仗跑番1200米，由何澤堯執韁，也是今場爭勝要角，投注孖寶一定要兼顧。

「好風頭」熱身後見好，上仗已提升名次，復課加眼罩考閘，效果滿意，羅廐戰馬唔會胡亂轉配件，放心追捧。

「追風追月」高頭大馬，轉戰快活谷卻有更佳發揮，同程兩出兩捷。今次相隔個多月再來，休息期足夠，試大閘隨意跟跑甚輕鬆，跟黃皓楠合拍，憑速度排外檔都夠快切入，是三甲之材。