中共要保護政權，筆桿子或較槍桿子更緊要，要令港媒「噤聲」，《逃犯條例》勢成最具殺傷力武器，不單記者或時事評論員會有陷冤獄危機，令港媒自我審查機會大增，有資深傳媒人分析，向傳媒爆料揭發內地黑幕的人士也會擔心身份被揭露而卻步，重要的新聞資訊或從此消失。

影響知情人士爆料意欲

香港是中國境內唯一仍能揭露中共政權醜聞或腐敗的地方，惟當移交逃犯修例過關後，或令傳媒報道相關新聞時自我設限，免被針對。曾當記者的立法會議員毛孟靜也稱：「如果你係長駐北京，真係腳都軟埋」，指一旦誤中地雷：「編輯、報館點撐你呢？最多都係幫你畀罰款，但係要坐監、任何司法上嘅後果，係要個人承擔，心理上係有好大壓力，有關中國新聞係會因此萎縮。」現時不少採訪中國新聞的外國記者會視香港為緩衝地方，她指日後「可能唔嚟香港，去新加坡……中國新聞嘅前景係好黯淡」，並稱不會鼓勵年輕人到內地採訪。

除了傳媒或自我設限，修例更勢影響知情人士借港媒爆料意欲。記協前主席麥燕庭便指：「如果內地嘅人知道香港記者咁容易被拉、被引渡，（覺得中共）想要嘅係背後放料嘅人，仲會唔會同香港記者講嘢，仲肯爆料？」她坦言：「冇咗呢啲消息人士，就會冇咗好多資訊，所以嗰個影響係好深遠。」

記者 許偉賢

反對修訂引渡條例遊行資料

日期：3月31日（星期日）
時間：下午2時半在灣仔盧押道（修頓球場側）集合，3時起步到金鐘政府總部公民廣場
發起團體：民陣、民主派立法會議員

資料來源：主辦團體

-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV