【10：16更新】更新影片
上班一族羅小姐，家住黃竹坑深灣道，在尖沙嘴返工，平日在屋企樓下坐巴士，車程40分鐘；如果轉坐港鐵，步行到港鐵站8至10分鐘，車程15分鐘，時間縮短了「可以瞓耐啲，只是驚月台人太多，上唔到車」。她不諱言「快咗好多，會轉坐地鐵，方便、快、唔會塞車。」

另一位上班族何先生，今晨6時左右，特別到來坐新綫。他家住黃竹坑，在中環返工，平日都是巴士出入。他對南港島綫表示有信心：「時間應該容易預算，以前好難，繁忙時間要一個鐘、個幾鐘。」他相信港鐵比巴士方便，日後有可能改坐港鐵上班。

而張小姐本身住香港仔，今早亦是專程乘地鐵出太子返工，「今次第一次試搭，想預下時間」，以往她乘小巴用半小時出太子，「如果時間差不多，我可以避咗小巴要上齊人先過海！」

想睇最新消息？　即時follow【現場－蘋果突發】 fb！ http://fb.com/applecitycrime