嚟喇，利物浦7月嚟香港參加英超挑戰盃喇，平時係電腦或者手機畫面見到嘅球星能夠係眼前出現，實在係球迷嘅福氣，不過球迷又記唔記得利物浦嚟過幾多次香港呢？

數番第一次利記訪港係1983年，第二次就去到2003年，當時仲有迷到萬千少女粉絲嘅奧雲仔坐陣，當時以6:0擊敗咗香港隊，之後再嚟香港就要數到2007年嘅英超挑戰盃，當時除了利物浦仲有富咸同樸茨茅夫參賽，香港代表就係南華，最後嘅決賽係樸茨茅夫喺12碼，以4:2擊敗利物浦。

咁計法，今次利記係第四次訪港喇，事隔多年，成個陣容都唔同晒，不過俾球迷嘅興奮同刺激，相信只會不降反增。