【新增短片】
澳門今早有60%學校開學，上周颱風「天鴿」吹襲導致澳門200多架巴士受到不同程度的影響，交通事務局周四要求巴士公司調配非營運的巴士，以應付開學日的人流。在亞馬喇前地巴士轉乘站一早就有大批學生候車上學，不少學生及家長都表示擔心交通混亂，今早已提早出門。澳門開學日以舉行開學典禮為主，但每間學校的開學典禮舉行的時間都不同。根據澳門教育暨青年局的資料，各校開課日時間由早上8點至下午3點都有，因為澳門道路早上未出現大塞車的情況，整體路面情況尚算順暢。

就讀高一的李同學稱和彭同學均稱今日提早15分鐘出門，李同學解釋「都驚啲車唔開，同埋睇新聞聽到好多巴士壞咗，驚佢耐咗一班巴，啲時間預早啲。」彭同學則指巴士班次比想像中密，「（路面情況）好咗好多呀，我驚塞車，所以預早。」的士司機陳先生指，今早市內未見塞車，「開學禮大家時間唔同，點會塞車，因為唔係集中。」

家長吳女士的女兒升讀小一，她指早上提早半小時離家，「打完颱風，唔知佢巴士修復咗未，所以早啲。」她形容早上路面交通尚算順暢，「冇塞車，好快可能早咗未到返工時間」，認為目前有足夠巴士應付，「都好密，冇想像中咁嚴重，我就係驚唔夠車、塞車，但今日都唔怕。」

澳門培正學校校長高錦輝指，今日全澳只有約70%學校安排在不同時間舉行開學禮，相信對交通不會有太大影響，「開學禮嘅緣故，大部份學校都會分開上下午，彈性嘅時間比較長啲，我相信今日交通嘅情況唔會太嚴峻。」但他指下星期一當全澳門學校在同一時間開課才是真正考驗，屆時交通或出現擠塞，「嗰啲受浸嘅巴士可唔可以趕得切完全去修復好呢？路面嘅工作可唔可以做好呢？呢啲嘅因素都係決定咗澳門嘅交通費擠路擠塞。」他指校方已決定豁免學生因交通擠塞而遲到的懲罰。