【空歡喜】足智彩預視賽程仲有墨超韓職 苦等球迷未必有得賭
足智彩韓職墨超智甲
周一足智彩網頁上的「暫定受注球賽」賽程上仍有墨超等賽事。
全球球壇都接近處於停擺狀態,大部份足球比賽都停晒。冇波開即係冇波賭,香港足智彩自從喺兩星期前3月23日嘅澳職之後,就一直再冇比賽提供受注。鍾意投注足球比賽嘅球迷,餓咗兩星期之後仍然等待緊,撳下足智彩網頁,發現「暫定受注球賽」賽程上,喺今個星期五起墨超同埋智甲等賽事。不過大家不妨睇定啲先,喺全球嚴峻疫情下,各地聯賽都會好審慎處理足球比賽重開事宜,據悉其中墨超方面目前仲研究緊喺五月重開嘅可能性。球迷要投注下球賽,睇嚟仲要畀多啲耐性。
周一進入足智彩網頁,喺「暫定受注球賽」賽程上,周五有兩場墨超聯賽上演,到周六仲精采,除咗墨超之外仲有韓職,到周日連智利甲組聯賽都加入戰團,睇埋下周三,歐洲主流聯賽之一荷甲,喺周四凌晨有場阿爾克馬爾主場對飛燕諾嘅比賽。係咪真係咁豐富?恐怕都只係畀大家參考下。
韓職代表啱啱喺今日同當地足總高層開會,喺目前抗疫形勢唔明朗下,會考慮將2020年球季賽程縮短,但仍然未有共識幾時可以開返波。
墨超聯賽方面,完成咗3月中第10輪聯賽之後,賽後宣佈暫停賽事,不過喺聯賽官網上面,賽程表上見到第11輪賽事暫停,到第12輪就仍然存在,一共9場比賽由4月3日踢到5日。根據當地喺上星期嘅消息,各球隊班主目前仍然研究緊可以幾時重開,暫時各方面得出嘅初步共識,係最快要到五月中先可以重開,目標係喺六月尾之前,完成晒剩返嘅比賽。由於墨超設有季後賽爭冠賽制,目前聯賽剩返七輪賽事,佢哋希望可以喺六月初完成,馬上進行季後賽,喺6月25同28日上演總決賽首次回合,決出今屆冠軍。不過可唔可以成事,又係要睇疫情情況。
智甲聯賽方面,今季聯賽暫時只係進行咗七輪比賽,同墨超一樣踢完三月中一輪賽事之後賽會就宣佈暫停。當地足總表示目前並冇聯賽重開嘅時間表,因為近期疫情一日比一日嚴重,只可以繼續觀望。荷蘭聯賽方面,聯賽賽會喺上月20日宣佈將荷甲乙等比賽暫停到至少4月6日,日前更新消息提出咗三個如何處理餘下比賽嘅方案,預計會喺未來幾日有最新宣佈。
-----------------------------
【武漢肺炎】專頁 全民自救 抗疫資訊盡在《蘋果》
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 --------------------
【撐學生】召集有心人 撐學生全年睇《蘋果》
立即按此 --------------------
《體蘋果》陪你睇波講波
https://www.fb.com/appledailysports
周一足智彩網頁上的「暫定受注球賽」賽程上仍有墨超等賽事。