陳曉東噚日喺新城電台接受訪問，東東講咗好耐話入紙開演唱會，終於出年2月，佢只可以係澳門開，咁香港呢？佢話：「已經入咗紙紅館，但唔知幾時批。入咗好多年，再唔批我叫啲fans拉橫額去請願。咁今次其實唔急，因為係簽咗巡迴，所以冇限期，內地都傾緊，如果公司叫我去印度我都去！」

講到拍劇，冇時間照顧小朋友，佢話：「太太好體諒，就算要拍攝床上戲都唔使報案，佢哋會嚟探班，我一有時間就會返屋企，維持簡單生活，唔再夜蒲。自己唔鍾意，好多煙，我又唔飲得，鍾意返屋企睇小朋友。」最近東東話推咗套青春劇，因為o依家想揀一啲有代表性嘅角色做。

更多娛聞，喺晒《娛果》
http://fb.com/appledailyent