韓國「長腿Oppa」李敏鎬去年11月同「國民初戀」秀智分手，舊愛分手冇耐就公開同《鬼怪》「地獄使者」李棟旭嘅戀情，不過兩人最終亦分手收場。

而李敏鎬於去年5月以公益兵服役，每日如常到首爾江南區廳「上班」，由於有Oppa喺度，唔少粉絲都聞風而至喺門外等候男神，每日到時到候都會等偶像，李敏鎬見到粉絲都好親民，不時都會禮貌收下禮物同埋握手。

而噚日有粉絲就興奮喺網上報告，話李敏鎬身上着嘅灰色衛衣，就係自己送畀李敏鎬嘅禮物，粉絲好多謝李敏鎬着咗佢送件衛衣，證明Oppa好珍惜粉絲送嘅禮物，真係好鬼sweet。不過睇返佢寫個日期係去年9月25日，估計佢回憶返一年前嘅開心往事，可見李敏鎬嘅窩心舉動令佢年年都回味不已。

精選韓流，喺晒《娛果》
http://fb.com/appledailyent