真人騷《求愛大作戰》阿Guy去年成功向《盛女愛作戰》的Mandy求婚，戴夢夢堪輿師舊愛陳定幫為兩人擇好吉日，將於今年11月5日舉行結婚派對。準新娘Mandy已開始着手籌備婚禮，她日前被發現與未婚夫阿Guy蜜遊爆出新沙士的韓國首爾，但原來他們低調到當地拍攝婚紗相，Mandy谷咪騷三吋事業線晒本錢。
Mandy和阿Guy怕染到新沙士，特意避開鬧巿熱點只到郊外觀光，行程最後兩天就拍攝婚紗照，由當地星級化妝和髮型師為他們進行大變身，韓風look下的阿Guy令人眼前一亮，Mandy則穿上low cut性感婚紗晒身材。聽到阿Guy變成「都敏佳」，Mandy昨在電話中笑說：「佢冇都敏俊咁高，冇人咁型，不過今次韓國造型師好專業，佢將我哋打扮得好靚，出嚟婚紗相好有韓風味道，好有紀念價值。」

Mandy日前已由首爾返港，她和阿Guy身體雖沒異樣，但他們都留在家自我隔離，她說：「盡量唔想影響到人哋，呢幾日我哋都唔出街喺屋企唞吓。」Mandy表示已開始籌備婚禮派對，她說：「我想揀個outdoor場地，暫時好鍾意淺水灣。」Mandy的伴娘首選好姊妹編導岑應，她說：「佢會大頭蝦，但佢好飲得，可以幫我頂酒，阿Guy嘅戥穿石就走唔甩一班求愛男兄弟班。」
採訪：比華利

蘋果20年　企硬我敢言
http://20.appledaily.com