林一峰今日去商台宣傳新歌《出走》，以及11月舉行6場音樂會，早前更跟妹妹林二汶到維也納及馬德里拍攝遊旅節目，他指節目不能透露太多，但主要為香港人打氣，早前老友盧凱彤過身，他承認藉此散心，問到可有跟妹妹傾心事？他說：「二汶係好有承擔，歷煉同仁慈嘅成人，佢好叻，多謝大家關心。」

對於林一峰當日並沒出席喪禮，他突然收起笑容說：「對於Ellen嘅事，我未ready同大家講，多謝大家關心，呢一刻需要被關心嘅人比我更多，請大家好好生活。」至於是否仍未接受事情？他續說：「最重要大家珍惜眼前人，呢個世界乜事都可以發生，o依家顧住打風先。希望杏花邨唔好再水浸。」他指世界好多事不可以控制，但大家要學習接受，最重要對身邊人更好，好好照顧自己。

精選娛聞，喺晒《娛果》
http://fb.com/appledailyent