做藝人真係要時刻注意言行，貪小便宜在所難免，但有啲小便宜或者貪方便就真係制唔過﹗違例泊車更加唔啱﹗

好似吳綺莉咁，日前俾人影到，將佢嘅座駕泊喺大埔超級城zoneD，但竟然係佔用傷殘人士車位。目擊者指當時吳綺莉一泊好架車就飛奔，趕住去邊？呢位目擊者就話吳係趕住同工人入超市買米喎。

成張罪證同疑似飛奔中嘅吳綺莉貼咗上facebook，目擊者鬧爆吳綺莉話﹕「停車場大把位你唔泊，你竟然佔用停車場內的傷殘人士車位？而你的車又沒貼上傷殘人士標貼，請問你邊忽傷殘？泊好車即落車跑走就以為冇人睇到你咩？你有冇諗過真係有傷殘人士的車來泊位時，你為他們帶來多少的不便？最過份係傷殘位過3個位的位置就有位俾你泊。」吳綺莉喺《雷霆掃毒》飾演嫉惡如仇嘅madam，乜真係做戲咁做0架咋？