古天樂明前就為代言嘅鞋履品牌拍攝全新一輯平面廣告，古仔仲以八個唔同嘅造型示人，今季嘅系列仲以古天樂鍾情嘅《星球大戰》為靈感，古仔仲愛不惜手，佢話：「我比較鍾意黑色，所以呢個系列好啱我，加上有太空元素，令我諗起《星球大戰》嘅黑武士，有一種亦正亦邪嘅感覺。」

近年有唔少以英雄主義為題材嘅電影，古仔自言有機會嘅話，佢希望可以自己創造一個英雄人物，佢話：「如果有機會演一個英雄人物，我諗我未必會演一個大家見慣見熟嘅角色，因為有時自己創作嘅範圍會更廣，有更多空間。」