當年今日
關於我們

【起底組】水晶宮新贊助有古怪 美女接待中心上線啦?

蘋果日報 2017/06/27 08:48

水晶宮法蘭迪保亞博彩公司英國足球萬博明陞

【新增動新聞】
英超球隊水晶宮周一宣佈聘請荷蘭籍主帥法蘭迪保亞時影咗張舉衫相,同時公佈今季換咗新贊助商,由菲律賓博彩公司「明陞」變成一間名為「萬博」(ManBetX)嘅集團。喺官方新聞稿上,水晶宮指萬博係一間為顧客提供體育博彩同賭場相關產品嘅國際遊戲企業,呢張多年贊助合約嘅價值更進佔英超第8位,以球隊過去一季僅排第14位,聽落相當和味。
不過,有英國傳媒變身起底組調查萬博咩來頭,指佢哋係一間2007年喺馬耳他註冊嘅公司,受英國博彩當局監管,但同時發現其官方YouTube頻道大約有50條片,但大部份都唔關體育事,反而係童年爛gag「睇肉」居多──唔係女模硬照花絮就係性感體能教練做gym,似「成人台」多啲囉。另外,佢哋連官網都未整好,社交網站更新亦唔算頻繁,唯獨微博就有唔少博彩資訊。
empty
萬博個YouTube頻道大部份都係美女片,唔知法蘭迪保亞有冇睇過?