譚詠麟(阿倫)同髮妻楊潔薇(莎莉)雖然結婚逾三十年，但一直未有所出，加上近來莎莉專心修佛，經常於志蓮淨苑茹素唸佛與世隔絕，令一直未有名份嘅朱詠婷(Wendy)成功浮面，加上Wendy更為譚家誕下兒子譚曉風，阿倫對獨子愛護有加，故不避嫌經常帶同母子於身邊，確定母子地位。

雖然Wendy成功入宮，但阿倫嘅數億財政大權，依然落喺元配莎莉手中，據資料顯示，莎莉手持九個物業，市值合共二億，當中包括共一億二千多萬嘅寶德臺高層單位兩個、市值各二千多萬嘅華豐大廈地鋪及大王東街地鋪等。

相反，母憑子貴嘅Wendy僅得三個位於跑馬地總值四千五百多萬嘅物業，有子初長成加上曉風文武雙全，三年前考獲十優狀元後，早前更於英國GCSE考試中以12A嘅佳績，被拔尖考入頂級學府牛津大學，而近年陪仔仔於英國升學嘅Weady經常兩邊飛，更名正言順冧阿倫喺英國買豪宅陪仔讀書。

阿倫眼見Wendy盡心盡力為仔仔，決定獎勵母子於當地買豪宅安頓兩人生活，據知Wendy早已四出物色豪宅，亦已睇中牛津大學城區附近價值八十萬英鎊(約港幣一千萬元)嘅豪宅。



本報娛樂版舉辦的「萬千星虧頒獎禮」已經來到第五屆，今屆口號為「全民起義，網民話事」，換言之由網民一人一票選出心目中最虧代表，包括男主角、女主角、最虧節目及最虧場面。讀者可由即日起至本月14日、晚上11時59分之前，到以下網址( http://campaign.appledaily.com/tvawards2013 )投票。投票結果於本月16日在本報娛樂版及網上公佈。