油價跌不停，連高盛都多次重申，預測油價下年跌至每桶20美元，你就知條街睇到幾淡。不過如果睇埋期權合約成交，你就係條街最淡睇油價睇15美元！

彭博報道，近日紐約期油行使價20美元至30美元之認沽期權成交增加，未平倉合約（好倉及淡倉）中，以2016年12月到期，行使價30美元之認沽期權張數最多。

雖然行使價30美元以下之未平倉合約張數不多，但2016年6月到期，行使價25美元之認沽期權未平倉合約張數，較上周翻一番。至於2016年12月到期，行使價15美元之認沽期權，亦錄得64萬桶成交。

掌握財經生活資訊，即Like「蘋果ATM」fb專頁啦！
http://fb.com/appledailyatm