去年6.15，身穿寫有「林鄭殺港、黑警冷血」黃色雨衣的梁凌杰在金鐘太古廣場向政府死諫，激發200萬人上街遊行反抗暴政，民陣呼籲港人今晚（15日）於多區穿黑衣，繫白絲帶，一同獻花悼念梁凌杰，其中天水圍區有近300名身穿黑衣的市民到場獻花。

年僅13歲，就讀中一的簡同學和陳同學，今天亦和朋友來到參加悼念會。陳同學指一年前的晚上驚聞噩耗，心情難過得徹夜難眠，簡同學亦言：「因為呢場運動，同埋呢個政府，搞到咁多人為佢流血之後死亡，政府好冷血。」

陳同學指，就算未來國安法通過她仍會堅持出來參與抗爭活動，「令到呢團運動嘅火唔好熄滅，希望（香港）有機會可以變返以前咁。」被問及會否害怕被捕，陳同學亦堅持：「吓驚咩呀，俾人拉咪俾人拉囉！我出嚟要為自己嘅未來奮鬥呀嘛，咁我梗係要出嚟㗎啦！俾你拉咪拉囉！」

談及未來，陳同學指就算未來香港被大陸思想入侵，他仍會堅持香港文化：「想令香港文化流傳落去唔好俾佢消失。」簡同學亦指就算大陸文化將會入侵，只要香港人堅持信念，就可以守護自己寶貴的文化。

設計師黃小姐今晚懷着悲痛的心情來到悼念梁凌杰，她指在一年前的今晚，她正在參加朋友的婚禮，但所有人都沒有心情享受婚宴，言談間亦不禁哽咽：「一路睇住個live，都見到佢真係跌咗落嚟，個感覺好震撼，唔識形容。」黃小姐亦言，自己身為人母，十分明白梁凌杰家人喪子之痛，希望其家人可以繼續堅持，不要向極權認輸。

黃小姐指抗爭一年雖未見成果，甚至可能「比黎明前黑暗更黑暗」，但認為香港人仍要堅持下去：「好多時候想放棄，真係有好多好灰心嘅時刻，但係諗返當初點解我地要咁做，係呢個力量去支撐我哋。」

元朗區議員林進今天也來到追悼會，呼籲市民可以記起一年來香港人失去的所有，包括入獄的和已逝去的同伴：「我哋只要唔忘記，先可以走向一個更好嘅未來。」他又指，一年前梁凌杰留下的遺言，每一句都均打入香港人的心坎，亦令眾多香港人覺醒，越走越前：「大家冇諗過有我哋嘅手足離開咗我哋，佢選擇用呢個方法去警戒我哋，希望我哋可以代佢走落去。」

抗爭一年以來，林進認為香港不但沒有變得更好，甚至可以說是變得更壞：「雖然我哋當年反抗嘅送中條例撤回咗，但牽連嘅巨浪到而家更加嚴重，我哋而家面對緊嘅係國安法。」他指國安法通過後，沒有人可以獨善其身，甚至連一個簡單的追悼會亦會被冠上顛覆國家政權的罪名，所以寄語所有香港人團結一致對抗極權，香港才有變好的一天。

----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568