容祖兒出名大頭蝦兼失魂，佢在社交網開po自嘲是「電話剋星」，兩星期連番失去兩部手機，昨晚幾乎再漏低第三部手機，幸好被好心人拾回，呢位好心人，就係詞聖－－林夕。

祖兒寫道：「電話剋星的極致行為，這兩個星期我連番失去兩部心愛的電話，一部iPhone X同埋iPhone red（詳情不堪回首）
在深受沈重打擊下我放棄追求科技，把已封塵多時的iPhone6 plus重新啟動，慢就慢啲，鏡頭亦out哂fo，但我跟自己說有得你用咪算係咁，這兩次的經驗教訓我要學會好好珍惜，話口未完，電話剋星昨晚又再蠢蠢欲動再次出擊。」

昨晚身在台北嘅祖兒，約咗夕爺食飯，點知走嘅時候，漏低部手機：「我竟然把電話留在夕家到坐車離開也懵然不知，還要詞聖親自下樓把電話送回，第一次就現真身確實萬般不好意思，此番行為不知悔改，倘若我身在延禧攻略時代，去慎刑司領二百杖才行先再講嘢。」

原來祖兒都中咗《延禧攻略》毒，蔡卓妍抵死留言：「快啲拉容嬤嬤去杖打八十」，祖兒即刻回覆反駁：「是妍妃」，仲貼埋好多個打高爾夫球嘅棍仔圖案自打「八十杖」，有心水清網民數完後發現數目唔啱，取笑祖兒：「點解多咗一杖！」

精選娛聞，喺晒《娛果》
http://fb.com/appledailyent