為期11日嘅第74屆威尼斯影展於當地時間踏入第三天，盛會上舉行嘅Franca Sozzani Award，目的係為紀念去年底與世長辭嘅《Vogue》意大利版傳奇總編Franca Sozzani。

不過，Franca Sozzani Award舉辦期間卻發生小插曲，當影后茱莉安摩亞（Julianne Moore）等嘉賓逐一到場，現場開始落雨又刮起大風，不少到場女士都被怪風吹到披頭散髮，意大利女星Nicoletta Romanoff穿上紅色透視裙到場，本來十分高貴性感，但大風把其長髮及長裙連帶吹起，而來自突尼斯嘅模特兒Afef Jnifen面對白色長裙被吹起，既要顧住散裙又要撳實長髮，場面狼狽。至於穿紫紅色裙示人嘅巴西模特兒Isabeli Fontana，不僅頭髮亂了，更在入場時於鏡頭前大出洋相。