【對趙正錫有意思?】26歲朴信惠走晒樣 驚現雙下巴魚尾紋
D.O.趙正錫朴信惠哥哥
韓劇《Doctors》女星朴信惠拍完劇之後就去咗旅行同放假,唔見佢一排,今早佢就孖《嫉妒的化身》男星趙正錫及EXO成員D.O.現身首爾狎鷗亭,出席新片《哥哥》嘅記者會。
唔知係唔係太早起身定放假時食多咗,朴信惠今早以包包臉示人,而且現時只係26歲嘅佢,笑時仲驚現雙下巴同魚尾紋!
雖然朴信惠今日有啲走樣,不過有燦爛笑容搭夠。當佢行上台時,趙正錫同D.O.都爭住伸手扶佢,朴信惠就算笑到現雙下巴都冇所謂啦。而朴信惠同趙正錫似乎好老友,二人於台上有講有笑又擊掌,連趙正錫都表示:「我至今仲記得朴信惠第一次拍攝嘅樣,因為佢成日笑,我仲以為佢對我有意思呢。」朴信惠表示:「拍攝現場氣氛好好,令人心情愉快,而且劇情原本就好搞笑,成日笑到NG。」