美國天后Lady GaGa飽受纖維肌痛症之苦，日前更宣佈今年12月後暫別樂壇，今日佢更於Instagram放出佢呈鹽水嘅相，寫道：「巴西，我好沮喪，我嘅狀況唔夠好到去參加里約搖滾音樂節。我會為你哋做任何事，但目前我要先好好照顧好自己嘅身體。我請求大家嘅恩典同明白，我答應會再返嚟為大家表演。我好抱歉，我愛你。」因為身體肌肉出現疼痛，佢要入院治療，逼不得已取消里約搖滾音樂節嘅演出。隨後佢再分享自己嘅紋身相，寫道：「記得多年前我於頸上紋上里約，呢個係為貧民窟嘅小朋友寫噸。」傳達佢熱愛里約嘅心意。

Lady GaGa最近推出紀錄片《Gaga: Five Foot Two》，透露自己長期飽受纖維肌痛症之苦，必須要打止痛針先可以表演，片中可以看到佢私下嘅日常生活片段，以及不為人知嘅另一面，紀錄片將於今個月22號於Netflix首映。