練馬師苗禮德開鑼日憑「龍城勇將」贏馬，本周三晚亦有惡馬出擊，第三場三班1000米初出自購馬「快樂聯盟」，8月21日原配韋達試沙田泥閘，但臨時換上賴維銘贏出該課閘，五日後韋達立即搶回此駒過檔快試，可見佢對該駒十分重視。據苗禮德表示，雖然「快樂聯盟」未曾試過快活谷閘，但晨課速度良好轉彎敏捷，所以吼準這場報名，而且排得理想四檔，有力一鳴驚人。