【新增內容】

馬蓉疑被前夫王寶強暴打事件精采過睇戲，繼馬蓉、王寶強嘅律師、知情人士先後爆料，現輪有馬蓉媽媽為女出頭，馬蓉媽媽在醫院接受大陸傳媒訪問表示，每逢星期五夜晚，王寶強會到馬蓉屋企接走一對子女，而馬蓉就喺星期六晚上8點，到王寶強屋企接回子女，事發時，王屋企住着王寶強嘅侄子同父母，仲有一名女子。

據馬蓉媽媽透露，噚晚佢同馬蓉到達王寶強屋企後，對方唔畀佢哋接走一對子女，馬蓉就拿相機拍攝，受到阻止，馬蓉隨後匿喺睡房，對方報警，而警察來到現場調停，王寶強踢門砸玻璃，仲想動手打馬蓉，被警方制止。其後王寶強表示要同馬蓉單獨談話，帶住4個人衝入睡房，對馬蓉進行毆打，馬蓉媽媽話自己亦遭襲擊，頭部流血，盆骨受傷，王寶強邊打邊罵馬蓉媽媽：「你個老東西！」仲搶走咗馬蓉嘅手機，之後馬蓉媽媽被嚇暈。

當時已經清晨五點幾，馬蓉媽媽指自己唔識打電話搵救護車，結果由馬蓉報警求助，但電話一求未能接通。馬蓉媽媽仲話之前已經發生咗兩三次，王寶強唔畀馬蓉見一對子女，而噚晚事發時，兩個小朋友都唔喺現場，馬蓉媽媽話到現在都唔知道一對孫兒下落。

不過今日中午流傳一段閉路電視圖片，見馬蓉與一女子到達王寶強家門前，馬蓉先跳起似企圖打落閉路電視，但不果。其後有一把剪刀從馬蓉身上跌出。

而馬蓉亦在今日下午出院，她用白外套披頭、被一男子背着，全程在醫院中疾走逃避記者，在場傳媒一湧而上，場面頗混亂，馬蓉之後上了一部私家車離開。

精選娛聞，喺晒《娛果》
http://fb.com/appledailyent