英國皇家雅士谷賽期首日跑完，馬友謂全程撐莫雅、岳伯仁，算是有個好開始。

值得一提，莫雅昨晚（18日）騎一匹叫「金鳳花」的馬，並無近績可言，但在英國外圍不是大熱便是次熱，香港的官方中文主持最後揀馬傾向不信唔揀，結果跑第二。

經過一輪實戰，賭英國馬純睇近績根本不夠用，因為經常有無績可跟的熱門最終搞掂，亦是人家賽事模式之一，所以要認真賭，臨場上網看看海外盤時間不可慳。

另外，就昨晚（18日）所見，埋門着格馬近乎場場都有兩、三隻，正如日前提過，究竟全球滙入彩池幾時打入馬會電算機，散戶得個估字。

如果這些格來自海外機構注碼兼不少能夠跑出，如屬人家集齊一次過才打入香港電算機的話，其實馬會可否將「匯款」時間提前一點？

另外，昨晚不只一場剛好播慢鏡看影相定勝負鏡頭時卻去廣告，馬會稍後可以協調嗎？

說到今季香港馬房大賽成績，羅富全屬豐收一季，既贏兩場國際賽又捧打吡。

周日（23日）為季內最後兩場分級賽，羅富全馬房列陣1400米精英盃的「奔雷」，雖然最近跑1200米交出成績，但終點前才認真撻着；加上本身來港前贏膠沙地1400米，「奔雷」今次增程可望更強，為羅富全再添一盃。

至於廐侶「快馬飛馳」上仗於田草1200米打開勝門，蹄下敗將打後頻頻上名唔講得笑，同父馬能贏馬至1800米。「快馬飛馳」周日跑長200米至1400米，並未對連捷構成阻力。

-----------------------------
你撐蘋果 我捐$1
支援反送中抗爭者