【浪費公帑】
陳方安生不單止力斥梁振英和邵善波，她更以嚴辭狂轟民望低迷的教育局局長吳克儉和發展局局長陳茂波，猶如「小學生、鴨仔」般只懂緊跟政務司司長林鄭月娥，直指局長「唔稱職嘅就應該炒」。與此同時，陳太讚揚林鄭月娥有能力和承擔，希望上任數月便激瘦逾十磅的林鄭保重身體。
談到新政府表現，陳太似乎氣上心頭，她炮轟「我哋個政府簡直不知所謂，你睇吓一眾高官、行會嘅人嘅質素，係唔係我哋香港今時今日真係無適當嘅人才？」。

「30幾萬一個月 唔稱職就炒」

被問到立法會向吳、陳兩局長提不信任動議，兩人應否下台，陳太憤言：「我哋納稅人畀緊我哋啲局長30幾萬人工一個月，唔係話叫佢哋出嚟好似小學生，企喺政務司司長隔籬，一句聲都唔出，如果唔稱職嘅就應該炒啦，應該再物色其他更適當嘅人選啦。」
陳太強調，政務司司長的職責是當有大事發生時，協調好各個部門，至於個別政策局的工作，不能經常由司長擔代言人，「佢嘅職責唔係話帶住一班鴨仔，唔係做保母」。替林鄭不值的陳太續指，林鄭上任已來工作到筋疲力竭，「做落幾個月呀，林鄭月娥已經瘦咗10幾磅啦，再咁樣落去，我恐怕佢支撐不住」，陳太透露，她不時與林鄭通電，對話間也有向林鄭表明，「要畀局長有機會自己出嚟解釋，唔稱職就炒」。
陳太明白林鄭「人在江湖、身不由己」，正如她跟一些退休政務官討論時亦覺得，今時今日做政務官，「工夫就擺咗落去，但係成效不彰，更加內部冇一個團隊精神，唔單止佢哋覺得咁，市民都覺得點解搞到香港政府立立亂啫？好似無論邊一樣嘢都係不成事嘅」，她擔心政務官的逃亡潮會造成青黃不接問題。
《蘋果》記者