當年今日
關於我們

【上個月叫封關】張堅庭安排女兒從英返港 被質疑雙重標準

蘋果日報 2020/03/18 14:35

張堅庭張一諾武漢肺炎

武漢肺炎疫情全球肆虐,歐洲有不少地方是疫情爆發重災區,雖然多國已經採取隔離和封城等措施,希望遏止感染人數,不過英國首相約翰遜以採取「群體免疫法」防疫,加上港府昨晚才宣佈對來自美國、英國、愛爾蘭和埃及的入境人士實施強制檢疫,令不少港人擔心疫情持續最終要封城,結果安排在英留學的子女回港避難。
張堅庭昨日在YouTube上載與女兒張一諾(Jasmine)的對談短片,原來一諾本身在倫敦讀書,不過因疫情肆虐而坐機返港,返港途中遇上諸多阻滯,幸好幾經波折終於返港。Jasmine表示早已開始訂機票:「真係好難搵,我喺啲訂機票嘅平台,一見到有機票已經即刻撳,但係過咗幾分鐘之後,已經冇咗,我一生人真係未試過係咁難買機票!星期日我仲叫哥哥同我一齊買,最後我買到張機票,由倫敦去越南再返香港,不過航空公司話飛機唔會停喺胡志明市,要停喺另一個機場,嗰個地方先進行自我隔離,有幾個英國人去咗嗰個隔離中心,佢哋話環境真係好污糟,好似監獄!」
幸好最後張堅庭為愛女找到另一張機票返港,不過因為時差關係,朝早7點才找Jasmine,結果她要趕快收拾行裝去機場,途中又去錯櫃位,Jasmine直言差點忍不住喊:「好彩喺閂閘之前終於趕到上機,喺飛機上差唔多有9成人戴mask,有啲人仲全套full gear。」後來張堅庭問到Jasmine,假如有仔女在英國,應否安排他們回港?Jasmine無奈地說:「英國政府嘅handle真係好差,方法同政策完全唔係想delay個virus,如果有機會走,我就一定建議走,因為你喺香港會安全好多,不過返嚟香港一定要隔離,就算我而家都會自我隔離。」
另一方面,有不少人質疑張堅庭上月才叫人封關,但現在安排女兒返港,是否有雙重標準?他今早在頻道拍片回應:「我叫封關,係香港人嘅身份,以大眾利益依歸作為一個標準,希望可以好緊急地希望盡公民權利,叫政府封關。而我叫個女返嚟呢,因為佢哋嘅防疫意識唔係好明顯,而我個女而家嘅身體狀況係冇問題,所以我係喺爸爸嘅立場,安排佢盡早返嚟,等我哋可以照顧佢。唔好話我個女,就算喺英國有好多香港學生,佢哋又有冇權返嚟呢?梗係有喇,佢哋係香港人嘛!」他續說:「當然佢哋返嚟我哋都有責任,就算佢冇病徵,佢都會進行14日嘅家居隔離,要求佢鎖自己喺間房,全程戴口罩,同任何人接觸都要保持一定嘅距離,呢個係香港人嘅責任、香港人應該有嘅利益,同埋做人爸爸嘅責任。」
有網民留言表示支持張堅庭,「成件事根本完全冇矛盾,張先生唔好介意。事情應該一單還一單,世界不停變,尤其今次武漢肺炎,唔同時間、情況要有唔同應對方式」、「加拿大也封關,但自己國民是可入境回家,只需家居隔離,情形同張生情况一樣,不要為那些為拗而拗的人解釋」。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
(網上影片截圖)
empty
有網民留言支持阿庭。(網上截圖)
empty
張堅庭的女兒張一諾,早前在美國畢業後,再到英國繼續進修。(資料圖片)