皇家馬德里中場艾斯高，可以話近期天之驕子，周五先同球隊續下長約，去到2022年，年薪亦加到600萬歐元（約5300萬港元），宜家艾斯高又要諗另一張約，就係波砵贊助合約。

艾斯高宜家係一剔贊助，不過合約到2018年完，三間贊助緊皇馬，仲贊助埋加里夫巴利、賓施馬等皇馬球星，以艾斯高25歲咁年輕當打，梗係想簽埋佢，仲出到200萬歐元（約1760萬港元）一年嘅贊助費，認真和味，一剔要番簽佢，起碼要俾番咁上下錢，艾斯高肯定又執多筆。