當年今日
關於我們
陳瀅聞張子丰變兵即落閘 堅稱:我係何雁詩個兵
蘋果日報 2021/06/19 19:55
陳瀅
張子丰
張寶兒
陳瀅、簡淑兒、樂瞳和黃建東今日在尖沙嘴出席店舖開幕,張寶兒擔任司儀。早前盛傳被
環星唱片太子爺張子丰(Fred)力追陳瀅,成為新「兵」
,不過陳瀅極力否認:「一千個唔係,一萬個唔係!我哋係識咗好多年嘅朋友。」她又主動提及報道描述她當時將自己的隨身物品放入張子丰的背囊,她解釋這些隨身物品是何雁詩所擁有,「嗰件係何雁詩嘅風褸,嗰日我只係經過,我say個Hi就走咗,所以我覺得好冤枉,我先係何雁詩個兵,要還我清白,Thank You。」
談及張子丰不開心被指是「運輸兵」,問她會否𠱁返對方?陳瀅笑說:「我先係個兵喎,冇所謂啦!」問到現時有沒有追求者?陳瀅指近排忙於拍劇,早前試過兩日「通頂」,以前機不離手的她,可以一星期沒看過電話短訊。
張寶兒打算再入市
另外,對於有指
張寶兒父母早前以近半億元沽出跑馬地禮頓山豪宅
,19年賬面賺3,700萬元,她表示不知道父母賺了多少。笑問她現時是否多了零用錢?她說:「冇呀,自從我出嚟做嘢都冇拎零用錢,但我會畀屋企人少少家用,呢啲純粹係心意。」她指父母一直教她投資之道,買磚頭最保值,小時候的親子活動就是睇樓,所以她現時除有一間屋自住外,亦希望買多間收租。
陳瀅拒認張子丰是「兵」,堅稱是認識多年的朋友。
陳瀅指忙於拍劇,有時要通宵拍攝,連電話短訊也少了睇。
張寶兒稱不知父母賣樓賺了多少。
今日同場遇有樂瞳、簡淑兒及黃建東等。
簡淑兒打扮很清爽。
-----------------------------
蘋果App大升級 更簡潔更就手!
了解更多
(
立即下載體驗
)