早前因為拖欠90幾萬車資，而俾「合眾旅遊巴士有限公司」向高院入稟申請清盤嘅亞視，經常都有「新奇事蹟」，成為網民嘅歡樂來源。

噚日，亞視竟然連高收視節目「六合彩」都失守，連中獎號碼都可以報錯!睇錯以為中獎嘅朋友，真係少啲心血都嚇死。

噚日第71期六合彩攬珠，由周嘉莉主持，攪珠機最初攪出號碼順序為29，46，11，31，14，16，特別號碼係30。點知螢幕上面，去到16號時，就冇出個號碼，最後將特別號碼30號調咗上去，之後順序變成就變成11，14，29，30，31，46，但周嘉莉就唔係跟螢幕讀，讀出正確一組號碼，都唔知點搞嘅。

網上轉貼亞視報錯六合彩之後，網民當然鬧爆亞視太「膠」，咁樣都可以錯，網民仲話連內地CCTV都仲好睇過亞視囉!仲提議六合彩不如直接去YOUTUBE直播算啦!



逢周五隨《蘋果日報》附送嘅時尚美容雜誌《add》第八期經已出版，封面是趙薇，大家可以上《add》嘅官網 http://add.appledaily.com睇足本網上版。除咗有趙薇專訪，仲有好多時裝靚嘢睇！