超強颱風「山竹」殺到，政府早召跨部門會議研對策，反之，香港賽馬會連日來均沒有對外公佈是否取消賽馬，遲至今午(15日)三時半，在受注後3個半小時才公佈取消周日(16日)沙田10場日賽，不單對騎師、練馬師及馬主等造成不便，馬迷更對馬會高層遲遲才決定取消賽馬感到不滿。而馬會決定在12月29日補賽，有待政府審批。

天文台一早已預告周日會掛八號風球，甚至唔排除掛更高風球；而多間航空公司亦一早已宣佈取消周日航班，可見各界均預計到「山竹」的威力，不少網民認為馬會明知如常跑馬機會極微，應在今日中午12時受注前公佈取消賽事，免卻馬迷退票麻煩，但結果馬會還是滋油淡定，一直採取拖字訣，令大量馬迷在網上表達不滿。

一次賽事需要好多人力、物力，單單馬會每次兼職員工已經唔係個小數目，相信有關員工亦好想早些知道是否取消賽事。

練馬師姚本輝說：「今次這個颱風威力甚強，馬會取消賽事是明智選擇，始終人馬安全至上，不過若然可再早一點決定，我們對員工和馬匹的安排都較好。」

馬迷亦是受害者，正由於馬會今午3時半前，如常接受賽事投注，不少馬迷特意到投注站買飛落注，結果之後又要搵時間退飛，可謂玩謝馬迷。

亦由於馬會遲遲才宣佈取消賽事，馬經報紙公司照常印刷，今午港九各報攤，已有「馬紙」賠率版發售，結果冇馬跑變成廢紙，馬紙老闆都是小本經營，損失不少，而且這些馬紙最終唯有送去堆填區！