葉楚航今季接近六成頭馬由潘頓所取得，這對騎練今季僅曾於七次沙田賽事合作多於一駒，當中六次取得頭馬。

周日（31日）沙田賽事，葉楚航一口氣將「暴風俠」、「競技勇士」及「二話不說」交由潘頓操刀，是騎練今季最多合作馬的一次賽事，咁大陣仗似乎有意大舉出擊。

第一場五班1400米，「暴風俠」近四仗重返五班作賽均跑入前四名，至今七次角逐五班賽更獲兩勝三位兩殿佳績，反映目前班次有利，今仗乃季內首用贏馬拍檔潘頓執韁，出埋王牌盡顯求贏馬的決心，可望勝回一仗向幕後交代。

另外，第四場三班1200米「競技勇士」，上仗回配潘頓角逐田草1400米雖然無功而回，主因沿途望空未能取得遮擋，純輸形勢而已，難得潘頓唔肯放手，而且縮回田草1200米上陣，睇番人馬以往兩次在三班同程合作均非冠即亞，值得再追一次。

至於第八場三班1200米「二話不說」，今季兩次配潘頓全勝，剛周三（27日）跑完匆出換人可見真章。

--------------------------
【馬上看經典】平民終究不敵貴族！遮打盃經典劇情幾近重演
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播　健身壹App過！
一按即玩