音樂人郭偉亮2011年11月23日喺紅館Swing演唱會，幾萬人面前向女友葉佩雯(Grace)求婚，仲即場簽紙，正式成為夫妻。

不過佢哋兩個就冇即時擺酒，又等多一年，上年11月23日先正式擺酒宴請親朋，今年就係佢哋結婚兩周年，又有咩做呢?原來去咗泰國二人嘆世界，兩個人噚日就開始喺微博不斷放啲渡假相，仲好有默契咁放上一張泰國月亮相，又放咗張著上泳衣，輕晒心口嘅相，雖然唔係好性感，不過白滑皮膚一樣好睇得。

但Grace喺微博話:「結婚一周年，飲杯。」佢可能以為擺酒先叫正式結婚，其實佢前年喺律師見證下簽紙一刻，己經係Eric正式嘅老婆嚟o架啦!所以係結婚2周年先啱數喎!