中國泳隊隊長孫楊周日喺微博話：「澳洲的訓練告一段落，回到祖國在國旗下訓練的感覺真好。一個人的訓練，並不寂寞。加油，我們布達佩斯見！」唔少人都以為佢返到中國閉關。

不過，有粉絲近日就發現孫楊已經靜雞雞嚟到香港，浙江體育職業技術學院游泳系主任盧剛就爆料，話孫楊係嚟香港備戰下月14日喺匈牙利布達佩斯展開嘅世錦賽。值得留意嘅係，孫楊似乎都好鍾意嚟香港，因為佢喺2013年去巴塞隆拿出戰世錦賽前，都試過喺呢度備戰。