港股上個禮拜跌穿咗10日同20日線，連條50日線都失守，形勢唔多盞，好彩花旗股市周五晚大幅反彈，睇嚟好友今日都會反撲。
不過，港股上面嘅技術阻力位唔係咁易破，就算挾淡倉上去，好可能收市前都會軟番落嚟，花旗嗰邊暫時都係當反彈睇，轉個頭跌番落嚟，港股又會受壓，形勢唔明朗，入市都係以短打為主，速戰速決。
花旗債券孳息跌番係股市反彈嘅原因，但係炒息嘅嘢一般冇咁快完，利息敏感嘅股份唔好咁博。
特區政府明日拍賣西九龍地皮，由於花旗炒加息，近日分析員已經調低咗賣地成績嘅預測，咁樣反而有利地產股炒作，一於吼實啲大地主股。

恒地C輪2420：恒地（012）上禮拜五報收52.55元，低位反彈高收，成交大增，有啲睇頭，可以買啲恒地C輪2420。
2420𠵱家做41.5仙，槓桿率12.7倍（有效6.1倍），對沖值0.48，正股反彈睇上試56元，到時隻2420應該會喺60仙樓上，即係有4成幾升幅，短炒都幾吸引，正股跌穿50.60元就止蝕。