今日係靚媽周家蔚(Janet)30歲嘅生日，佢噚日就同一大班朋友，當然仲有囝囝小TJ慶祝啦，老公洪天明今日凌晨12點就準時喺微博TAG咗老婆講聲生日快樂啦!

Janet同班朋友應該玩得太開心，搞到成晚失眠，佢今朝早六點仲喺度玩微博，寫住:「為什麼要生日那天失眠！太開心嗎？還是晚飯喝多了茶？Oh！No！」不過最搞笑係洪天明放咗老婆同囝囝張相同Janet講生日快樂，蔡少芬竟然以為係TJ生日，仲話:「哇...一歲啦！時間實在是走得太快了！祝福小型男越來越俊美，健康成長」搞到天明要回佢:「美人蔡少芬，是我老婆生日，不是我個仔呀，大姐。」