中止魚腩連敗紀錄 加度素:不如一刀捅死我
意甲AC米蘭加度素賓尼雲圖艾拔圖碧洛尼Sky Italia
周日意甲,AC米蘭新帥加度素第一次帶隊出征意甲,就畀主場嘅升班馬賓尼雲圖搞到唔開心,事關球隊喺準備慶祝拎到近三場聯賽首個三分之際,喺補時最後一分鐘畀對方門將艾拔圖碧洛尼頂入抨平一球,最終比數變成2:2,只係拎到一分。加度素仲成為AC米蘭十六年以嚟,第一個「地標戰」贏唔到波嘅主帥。之前九個主帥都拎到執教第一勝。
更加尷尬嘅係,賓尼雲圖本身刷新咗五大聯賽歷來最長開季連敗紀錄,開季連敗已經14連敗。今次AC米蘭竟然畀佢哋拎到聯賽第一分。加度素賽後同《Sky Italia》講,佢仲未走出補時失波嘅陰影:「真係好痛苦,我寧願畀人捅一刀都唔想失嗰球,我哋竟然最後失球咁嘅波,好詭異。我從來未諗過會畀對方龍門入波!」AC米蘭隊長邦路斯都憤憤不平,不過都展望未來:「拎得一分,我失望到爆,不過我哋應該向前望,提升球隊嘅進攻、防守同埋控球。」
----------
係你!打造星級球隊,征服各地聯賽!立即加入『BFB CHAMPIONS 2.0』!
http://bit.ly/2xrTKGM