首次踏出醫院的陳真,對外界非常好奇,當爸爸揭開白被時,即眼仔睩睩望着爸爸,場面溫馨。而陳國坤就先帶囝囝上車,Emme留下接受訪問。她表示開刀後的第1天,傷口感到痛楚,但之後已大有好轉。而雙方長輩非常開心,經已急不及待催促帶孫兒回家。對於BB提早了3個多星期出世,Emme說:「BB出世7磅幾,足晒磅,好健康,非常感恩,小龍(陳國坤)原本唔想上大陸宣傳,我話唔會咁準,點知個仔整蠱佢。」她表示雖然是剖腹產子,但經歷過陣痛,過程難忘。
Emme覺得BB樣貌上半似爸爸,下半似自己,現時以母乳及奶粉餵哺,她說:「餵奶都辛苦,佢好乖好大食。」至於BB的名字改好沒有?Emme說:「未改,中文名用住陳真先,睇吓係咪同音改筆畫,而小龍用真字想佢真心,𠵱家好多人都太假喇!」
採訪、攝影:馬建華