現年95歲的董慕節在香港玄學界被稱「鐵板神算」「董半仙」，活躍於上世紀八、九十年代，曾找他批命的名人明星多不勝數，作風低調。最為人知要數九十年代，馬榮成當時仍是黃玉郎後輩，董慕節曾批他「金鱗豈是池中物，一遇風雲便化龍」，之後馬榮成以《風雲》漫畫再創高峰，還將這兩句批語用作「雄霸」的經典台詞。

【阿公之言：不可不讀】

公公屬祖師級命理大師，現今成名玄學師傅大多名成利就，張存華先天背景比人強，何解要行條辛苦路？「搵錢艱難時有諗過（學術數），但自問文化底蘊完全跟唔上。公公唔單止術數、數學叻，文化啦，畫啦，字啦，各方面我都match up唔到。」張存華眼中，公公是古代人，神準到連婆婆要開幾多次刀做手術都算到；同時公公亦是他的心理訓導師、人生導師，「佢有同我講過，我有兩個行業去搵食，但冇同我講邊兩個行業，叫我自己摸索，總之『不可不讀（書）』，要孝順、愛國、對朋友有義氣。」自強不息，做一個好人，就是人世間最大的真理。

講運動停不到口，心痛香港沒有林書豪、周杰倫的籃球明星賽，心中偶像是由平凡人靠自己走上頂峯的高比拜仁、甄子丹等。平凡講波佬，張存華去名牌活動，試過前一秒俾人白眼冷待，下一秒外人知他有猛料公公就360度變臉，只求booking，現實世界就係咁，點推？「我通常都話，公公都九十幾歲，唔好搞佢喇。」

人物誌
張存華 (Emil)
暱稱：華Dee
年齡：29歲
學歷：Purdue University 普渡大學金融學系
背景：「鐵板神算」董慕節外孫
現職：港台節目《體壇無極限》主持

-----------------------------
你撐蘋果 我捐$1
支援反送中抗爭者