「上松，等一下...」
「等甚麼？」
「比賽開始還能等一下嗎？」
「難道上了戰場也要等一下？」

你今日睇咗未？

魏德聖監製嘅熱血棒球電影《KANO》，於台灣上映4周，票房大收逼近3億台幣，演員曹佑寧、葉星辰、張弘邑同陳勁宏，專程去到尖沙嘴TheOne戲院，向現場觀眾謝票。本身係棒球員嘅三名男演員喺拍攝電影時，雖然只係做番自己，但面對鏡頭仍感到緊張，男主角曹佑寧更同新人葉星辰有感情戲。

對於來港4天行程，會唔會趁機會同戲中女友葉星辰抽空逛街，曹佑寧尷尬回應:「都想大家一齊出街看看。」張弘邑指自己本身係運動員，雖然今次嚐過拍戲滋味，但繼後仍會專心打棒球。眾演員此行主要四出到各區戲院謝票，女主角葉星辰話:「聽說香港的菠蘿油很著名，來到也要嚐一嚐。」