羅孝勇噚日喺旺角撞車（新聞連結： http://bit.ly/2pOn0nK ），其後留院接受治療，今日下晝佢喺家人陪同下轉院，繼續接受治理。佢喺今日下晝4點半左右見記者，被問到今次受傷有冇影響工作？羅孝勇話：「靜番落嚟諗到就係之後5同6月要去北京做嘢，7月就要拍戲，拍槍擊動作片，自己都有啲擔心，但物理治療師話因為我平時有運動，所以應可能該會一個月內就會好番，但拍戲都係兩個月後嘅事，希望可以做到啦！（會唔會追討番涉事司機？）我入咗救護車，都有差人同我落口供，之後我就冇follow up喇。」雖然受傷，但羅孝勇話好彩被撞嘅係自己：「換轉係小朋友或者老人家都唔知點算。」

問到女朋友有冇陪伴左右，羅孝勇話：「因為喺公立醫院，探病時間都已經探到最盡，因為佢自己都擦損咗，今日亦都要工作，不過噚晚大家都係瞓唔到覺，自己個心都諗好多如果發生嘅事情，（會唔會因為此事後更加珍惜眼前人？例如結婚…）呢個未諗，但我一直好珍惜身邊嘅人。」

而羅孝勇媽咪更因為知道囝囝出事，今朝飛返香港探仔：「噚日媽咪一知道收到電話，噚晚即刻飛返嚟，今朝早嚟搵我，當時媽咪喺澳洲，聽到消息時喺行食緊雪糕，佢即係掉低個雪糕，緊張到喊。」喺受訪期間，羅孝勇講咗好多次自己好好彩，又話o依家行係唔方便，行路好似舉起200磅嘅重物咁樣，同埋手有擦損。

緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw