韓國綜藝界人氣主持鄭亨敦去年11月因患焦慮症宣佈暫停一切演藝活動，當中佢為免影響節目，亦先後退出《無限挑戰》等人氣節目，令唔少粉絲都好擔心佢病情。

雖然鄭亨敦因病暫停工作，但粉絲就好期待佢快啲復出，而唞咗10個月嘅鄭亨敦眼見病情穩定不少，決定今個月回歸公仔箱。

根據韓國方面嘅消息，相關人士透露鄭亨敦正與自己嘅代表性節目MBC《一周的偶像》節目組討論回歸嘅日期，如無意外會喺9月中回歸節目，但細節仍處於調節階段。

至於鄭亨敦所屬嘅FNC事務所就回應：「《一周的偶像》回歸還在商議中，具體時間未定，但目前仍未有《無限挑戰》嘅回歸計劃。」而鄭亨敦將於9月底開始投入節目嘅拍攝工作。

而《一周的偶像《方面就發表官方立場，佢哋確認鄭亨敦將會回歸節目，而代替佢工作嘅金希澈同Hani就會下車，又表示：「鄭亨敦首次節目錄影會喺9月尾進行，10月先會播出街。」