當年今日
關於我們

【搭上唔只一個】吳秀波遭爆婚外情 被棄女星怒轟:下輩子都不可能原諒你

蘋果日報 2018/09/24 22:03

張芷溪陳昱霖小三婚外情吳秀波

曾經主演電影《北京遇上西雅圖》嘅50歲大陸已婚男演員吳秀波,今日竟傳出搞婚外情,而且唔止有小三,仲有小四小五。
據《新浪娛樂》今日報道,25歲大陸女星陳昱霖喺微信朋友圈發文控訴,話佢同吳秀波有長達7年嘅地下情,唔單只咁,喺而佢同吳秀波一齊期間,吳秀波唔只有佢呢個小三,仲有小四同小五㖭!陳昱霖大爆吳秀波其中一個「愛人」,就係電視劇《軍師聯盟》飾演甄宓嘅張芷溪。

陳昱霖話被吳秀波用佛經洗腦,自己唔單只聽佢說話唔再拍戲,仲喺2016年陪佢喺橫店拍《軍師聯盟》,整整陪咗佢333日,每日仲為吳秀波煮粥煲湯洗衫。陳昱霖話自己2013年同2017年分別被兩位同吳秀波有關係嘅女子傳訊息騷擾,喺13年出現嘅女子,吳秀波始終唔肯承認同唔畀任何解釋,自己為此喊咗足足3個月;至於舊年先至出現嘅張芷溪,仲搞到佢患抑鬱症。陳昱霖話:「你甩不掉她,她憑什麼來找我,來刺激我呢?為甚麼人可以壞到這種地步,自己得不到,偏要來毀掉我的生活!」

陳昱霖話自己為咗維護同吳秀波嘅感情,犧牲咗夢想同親情,7年嚟一直委屈自己,忍耐佢壞脾氣。陳昱霖又爆舊年5月陪吳秀波到米蘭時,因為「查」吳秀波而被佢動粗,之後更加被佢無情拋棄,她痛訴:「我看透了你的自私跟冷血,我不可能放下,下輩子都不可能原諒你,永遠恨你!」

《新浪娛樂》曾經聯絡陳昱霖求證,但佢話喺醫院不便回覆,吳秀波工作人員就掛斷電話唔回應。至於張芷溪今日下午就喺微博發文話:「大中秋節的謹慎吃瓜,祝當事人幸福,別扯我謝謝,清者自清。」又話:「終於知道去年大規模水軍黑我的原因是甚麼了,狗急跳牆也別扯我,那位『老師』三番兩次騷擾我,我還沒報案呢……人在做天在看,人設崩塌也不稀奇。」
據大陸消息報道,吳秀波新戲《無名偵探》日前在橫店開拍,劇方人員今日透露,佢近期因處理個人事務離開橫店,所以暫停拍攝佢戲份。
至於上海喜天影視今日就發咗份「告知函」,話係受吳秀波委託,對網上不實嘅文章、惡意詆毀同侮辱,對吳秀波生活同工作造成惡劣影響,佢哋會保留法律追究權利。
精選娛聞,喺晒《娛果》
http://fb.com/appledailyent
empty
有指吳秀波搭上陳昱霖(上)後,又與張芷溪有戀情。(資料圖片)
empty
女星陳昱霖喺社交網爆吳秀波有婚外情。(微博圖片)
empty
陳昱霖話自己不斷受吳秀波情人騷擾。(微博圖片)
empty
陳昱霖話永遠恨吳秀波。(微博圖片)
empty
吳秀波代表發聲明。(微博圖片)
empty
陳昱霖2011年同吳秀波合照。(微博圖片)
empty
陳昱霖不忿被吳秀波拋棄。(微博圖片)
empty
被指係吳秀波小五嘅張芷溪。(微博圖片)
empty
吳秀波曾主演《北京遇上西雅圖》。(劇照)