這天（21日）早上，外號十三少的韋達全朝勤力課馬，分別替葉楚航第三場「電訊超人」、第八場「軍炮」及大摩第九場「火箭駒」、第二場「大四喜」四匹參戰馬，均由達少親自考驗。

其中，最值得留意的是韋達嘅嫡系座騎「軍炮」。接近7時，此駒在大跑道單試800米，清風送爽完成，佳態洋溢。

課後，亦見練馬師葉楚航急速由烽火台踏單車趕返馬房睇馬，舉動顯得相當緊張，唔通食過翻尋味。

列陣周末（23日）第八場三班1650米泥地「軍炮」，上仗初爭同程力壓對手「貨如輪轉」掄元，替馬匹取得第二場頭馬。

此匹四歲馬正處上升軌道，賽後復課並冇放軟手腳，馬房繼續施壓，韋達亦摸到實當寶，快跳工夫悉數一手包辦，從不假手於人，重視有嘉。

今番升班減十三磅再戰勝途，阻力不大，加上出色泥地性能，睇嚟有機會再添食，力爭三連勝。