本月11日周三快活谷八場賽事，人氣王蔣嘉琦暫定五匹座騎，分別是「威威寶貝」、「小島怡情」、「綠色贏」、「名馬」和「尚華盛甲」。
其中報爭三班1200米的「威威寶貝」同五班1800米的「小島怡情」上場均在嘉琦胯下贏馬，人馬合拍，再配嘉琦出戰，唔知可唔可以再下一城呢？
先講呂健威隻「威威寶貝」，在港四WIN都在谷草1200米取得，今戰首本路程，當然有一定機會。至於蘇保羅隻「尚華盛甲」，上仗嘉琦贏馬後，獲馬主陳正欣大讚，話好欣賞嘉琦的拼勁，希望愛駒再出續配嘉琦。睇番「尚華盛甲」，在五班贏馬後，今仗續配嘉琦在五班仍只負119磅，老實講再捷真係冇乜難度。