【大陸封殺金像獎】馮紹峰突避席王宗堯臨時拉伕：點都要撐番自己先！
蘋果日報 2016/04/05 06:00
蘋果香港無綫愛回家金像獎十年即時馮紹峰娛樂王宗堯
攝影:王連連- 王宗堯今日到商台接受訪問，承認金像獎當日早上先收到通知做頒獎嘉賓。
- 王宗堯取替馮紹峰與吳肇軒、蔡翰億和王大陸頒獎。
- 馮紹峰當晚有到場行紅地毯，但本來應邀任頒獎嘉賓嘅佢，突然缺席。
- 馮紹峰之前曾來港宣傳賀歲片《西遊記之孫悟空三打白骨精》。
- 《十年》奪得金像最佳電影後，引起軒然大波。
第35屆香港電影金像獎於過去嘅周日(3號)舉行，雖然曲終人散，但係就是非不斷。有指王宗堯當日被臨時拉扶，代替大陸男星馮紹峰任頒獎嘉賓，今日王宗堯去商台宣傳電影《選老頂》同《導火新聞線》嘅時候，佢就直認不諱，宗堯說：「都係o架，但其他原因我唔知點解，係當日朝早收到通知。」
對於外界有好多揣測，宗堯說：「我會覺得無論咩原因都好啦！人哋有咩特別原因都好，嚟唔到呀，或者唔想嚟呀，或者杯葛，甚至乎有特別原因呀，我都會覺得我哋點都要撐返自己先囉！」而能夠係大台亮相，都算係一個意外收穫，佢話：「今次有機會上台，青雲做主持，再加上我哋有好多朋友都係到，真係好開心，仲可以毫無剪接地係喺大台出現。」
佢再講：「自己除咗廣告都好耐無喺大台出現，若果多啲平台都係好嘅，O依家又有ViuTV、又有港台呀，有新嘅節目製作呀，我覺得對香港人去睇電視，重新開番部電視係好開心嘅！」
王宗堯唔係得把口㗎，佢噚晚就有返屋企睇電視，仲睇大台嘅新處境劇《愛·回家之八時入席》，宗堯話：「新嘅《愛‧回家》，叫大家八時入席，但第一集又叫五點九，真係有啲混淆，感覺有啲似以前嘅《畢打自己人》，都係嗰啲班底，都有啲想睇嘅！其實每一套我都會睇睇，始終都要俾機會人，每一樣嘢都要接受嘅，無論好同唔好都要。」
再講到之前佢同周柏豪爭做一哥，死敵莊思敏就話佢性格有問題，宗堯聞言即話：「我承認我唔啱，係我性格太過直，之後我會過濾，若果傷害到人嘅，我會唔講囉！我又唔係真係成日撩事鬥非，真係唔好咁講我啦！」追問佢係咪俾老闆照肺，先突然轉口風嘅？佢話：「唔係呀！係費事再引起紛爭，同繼續喺呢個話題講落去嘛！值得講嘅嘢先繼續講落去。」
對於外界有好多揣測，宗堯說：「我會覺得無論咩原因都好啦！人哋有咩特別原因都好，嚟唔到呀，或者唔想嚟呀，或者杯葛，甚至乎有特別原因呀，我都會覺得我哋點都要撐返自己先囉！」而能夠係大台亮相，都算係一個意外收穫，佢話：「今次有機會上台，青雲做主持，再加上我哋有好多朋友都係到，真係好開心，仲可以毫無剪接地係喺大台出現。」
佢再講：「自己除咗廣告都好耐無喺大台出現，若果多啲平台都係好嘅，O依家又有ViuTV、又有港台呀，有新嘅節目製作呀，我覺得對香港人去睇電視，重新開番部電視係好開心嘅！」
王宗堯唔係得把口㗎，佢噚晚就有返屋企睇電視，仲睇大台嘅新處境劇《愛·回家之八時入席》，宗堯話：「新嘅《愛‧回家》，叫大家八時入席，但第一集又叫五點九，真係有啲混淆，感覺有啲似以前嘅《畢打自己人》，都係嗰啲班底，都有啲想睇嘅！其實每一套我都會睇睇，始終都要俾機會人，每一樣嘢都要接受嘅，無論好同唔好都要。」
再講到之前佢同周柏豪爭做一哥，死敵莊思敏就話佢性格有問題，宗堯聞言即話：「我承認我唔啱，係我性格太過直，之後我會過濾，若果傷害到人嘅，我會唔講囉！我又唔係真係成日撩事鬥非，真係唔好咁講我啦！」追問佢係咪俾老闆照肺，先突然轉口風嘅？佢話：「唔係呀！係費事再引起紛爭，同繼續喺呢個話題講落去嘛！值得講嘅嘢先繼續講落去。」