張栢芝一向愛狗如命，不過前夫謝霆鋒向來有哮喘病，唔能夠接觸動物，所以栢芝怕愛犬令霆鋒病發，曾經賤賣愛犬。之前曾有報道指，上年栢芝同霆鋒離婚後，栢芝因拍戲關係，經常離港，所以買咗3隻狗俾Lucas解悶，不過就搞到Lucas哮喘病發。報道謂之後，栢芝即時帶Lucas，檢查之下發現原來Lucas患有家族性哮喘，更將3隻狗送俾媽咪。

點之最近又有報道話，栢芝上個月狗癮再發，買咗隻價值萬元嘅純種6個月大法國鬥牛犬，栢芝更被拍到由豪龍接載去獅子石道買狗籠等，而栢芝就抱著愛犬上車，令人擔心Lucas哮喘再發。

其實個報道已經出咗街幾日，不過等到噚日，栢芝個人官方微博先至忍唔住澄清謂：「Lucas是位身體健康的小朋友。媽咪張栢芝曾公開強調過他沒有遺傳父親的哮喘病。」又指斥該報道係﹕「詛咒一個只有5歲的小孩子，公平麼？於心何忍？都善意點吧，尤其對一個一根本不懂這個社會多複雜的孩子！！」栢芝經理人亦即時轉發其回應力撐。


一人一票投蘋果【萬千星虧】，發動蘋民力量，對撼CCTVB公投↓↓↓
http://tv-voting.appledaily.com/