今日（10日）國際賽日，一如以往用沙田馬場全闊A跑道，度地儀指數2.70，場地掛牌為好地。如天氣情況許可下，將按計劃在第6場後進行壓地。

睇番上季同日賽事，當日度地儀指數2.71及掛牌好地，全日馬匹用後追跑法有利無害，如「將才」、「美麗大師」及「有得威」等都係早段留守尾叠，入直路在外叠衝贏對手，尤其是中長途賽事更加明顯，靠後勁食糊馬不妨優先留意，跑道闊唔怕塞。

今日第十場「大籐王」三次角逐田草A欄賽事獲兩冠一亞，今季三戰均能交出全場最快末段時間，在全闊跑道可盡展所長。

另外，第二場「英明勇將」上仗正是於田草A欄後上建功，等番同一移欄再跑，續配贏馬拍檔郭能必求添食。